ورجعنالكم تانى ومعانا اتصال تليفونى ونقول الوووووووو

ورجعنالكم تانى ومعانا اتصال تليفونى ونقول الوووووووو
.
.
.
الووووووو
....
.
.
البنت: هاى يا سيد
سيد:هاى ورحمة الله وبركاته.مين معايا؟؟؟
البنت:انا ساندى وبيدلعونى وبيقولولى يا دعاء
سيد:عاشت الاسامى يا كوثر
البنت:ميرسى ربنا يخليك عرفت اسمى الحقيقى ازاى؟؟دانتا مصيبه
سيد:خلاص بقى فكك من الاسم.لو عندك مشكله احكيها وانجزى
البنت:خلاص اوك اوك انا كنت عاوزا اقولك انى بحب واحد بقالى 3 شهور
من غير حتى ما اشوف شكله
سيد:يا نهار ابوكى اسود.ازاى يا شرين بس؟؟؟؟
البنت:يخربيتك ياسيد انا حاسه انك عايش معايا ف البيت
عرفت ازاى ان اسمى شرين.مش بقولك انك مصيبه
سيد:ماعلينا م الموضوع ده كملى بس وبعدين
البنت:ولا قبلين ياأبوسيد كل ما اطلب منه اننا نتقابل يتحجج بحجج فارغه
وانا بصراحه مش مصدقاه بس اعمل ايه بموت ف اهله
سيد:وانا ايه المطلوب من امى دلوقتى؟؟
البنت:عاوزاك تشوفلى حل ياسيد وتقولى اعمل ايه
سيد:بصى يابنت والدى حاولى تنسيه انا بصراحه اول مره اعرف ان فيه حد بيحب حد من صوته.شكلك حبتيه عشان تنسى بيه حد تانى اداكى بمبه.وده مش من مصلحتك
البنت:سيد انا شاكه فيك انتا مخاوى ياراجل ولا ايه؟؟؟؟
عرفت ازاى كل ده يالهوووووووى عليك
سيد:ولا مخاوى ولا حاجه انا مر عليا من النوعيه دى كتير وانتى اكيد واحده منهم
البنت:متشكره اوى يا سيد انتا صحيت حاجات كتير جوايا كانت بتشخرررررر
سيد:ولا يهمك يا سلمى مجراش حاجه
البنت :سيد بسرعه بسرعه انا هقفل بقى عشان دى اخر دقيقه وبصراحه كدا انتا صوتك حلو اوى اوى وانا شكلى هحبك.تصبح ع........
سيد: بنت المستخبى هتلاقيها مستلفه ال3 جنيه